اسلام آباد 25 ستمبر (اے پي پي) د منصوبه بندۍ ، پرمختګ او خصوصی اقدامات وفاقی وزیر احسن اقبال وئيلي دي پاکستان د ترهه ګرۍ په ضد جنګ كښې لويې كاميابۍ ترلاسه كړي د كومي لويه وجه چې پاك پوځ ، د قانون نافذ کوونكو ادارو د مړاني هڅي او عوامي جذبه ده، ضرب عضب او ردالفساد په شان پوځي عمليات د ترهه ګرۍ په ضد جنګ كښې لويې كاميابۍ دي۔د دې خیالاتو څرګندونه ده د شورو په ورځ نړيوال اسلامي پوهنتون اسلام آباد كښې “پاکستان كښې د ترهه ګرۍ مقابله: پیشرفت، چیلنجز، او مخ په وړاندې تللو لاري ” په سرخط يوه ورځني سیمینار ته وينا كښې وكړه۔ده ووئيل په دې مهم کنفرنس كښې ګډون كول ما له د اعزاز خبره ده۔ده ووئيل د ډيري مودي راهسې په هېواد كښې ترهه ګري روانه وه د تيرو دوه لسيزو په مهال 80,000 څخه زيات كسان شهيدان شوي او دې سره سره نزدې 150 بلیونه ډالره زيان شوے ،د دې باجود مونږ د دې خطرې مقابله كولو سره د لچك او قربانۍ مظاهره كړي۔ده په دې خبره زور راوړو چې دا غونډه نه يواځي د ذكر وړ پیشرفت عکاسی کوي بلكه دې سره سره د سباؤن چیلنجونه هم په ګوته شوي۔ ده ووئيل قبائلی سيمو كښې د عسکریت خوښو قوي ژالي ختمي كړې شوي او قبائلی سيمو كښې 90 فیصده څخه زياتو سيمو كښې ریاستی کنټرول بحال شوے ،په دې کارروائیو كښې 7000 څخه زيات ترهه ګر هم وژلې شوي۔وفاقی وزیر كال 2015 كښې د جوړ شوې نېشنل ایکشن پلان (این اے پی ) په اهميت هم زور راوړو كوم چې د تره هګرۍ د ټولو شكلونو ختمولو له د يو كوټلې فریم ورك په توګه كار كوي۔
