اسلام آباد 07 اکتوبر (اے پي پي) د داخله چارو وفاقي وزير محسن نقوي د چين سفير جيانګ زي ډونګ سره ليدلي او په كراچۍ كښې د چاٶدنې په نتيجه كښې د چين د دوه وغړو په په وژنه يۍ د غم دړد او افسوس څرګندونه كړې۔ د ګل په ورځ وفاقي وزير د چين د سفارت دوره وكړه او د چين سفير سره ئې وليدل٬ وفاقي وزير د چين سفير٬ حكومت او د مړو كسانو كورنيو سره د يوالي څرګندونه وكړه۔ په دې موقع محسن نقوي د چين سفير د چاٶدنې د ټولو تفصيلاتو او تحقيقاتو د پېشرفت نه خبر كړو۔ وفاقي وزير ووئيل د غم په دې ګهړۍ كښې د چين حكومت او د چين د مړو وګړو كورنيو سره په غم كښې برابر شريك يو، ده ووئيل د پاكستان ټول قام د چين خپلو وړوڼو سره په غم كښې برابر شريك دے٬ ده ووئيل د پېښې جامع تحقيقات باوري كولو سره به په دې ناوړه پېښه كښې ككړ عناصر انصاف سره مخ كولې شي۔ ده ووئيل په پاکستان چين دوستۍ بريد د برداشت وړ نه دے ٬ دا د ورورولۍ اړيكو ته د زيان رسولو ناوړه سازش دے، بزدل دښمن به په خپل سازش كښې بريالې كېدو ته نه پرېږدو، د پاکستان پرمختګ لپاره كار كوٶنكي د چين وروڼو حفاظت وړومبۍ ترجيح ده ۔ ده ووئيل د دې بريد چې څومره غندنه وشي كمه ده، دښمن د پاكستان د باور وړ دوست هېواد وګړي په نښه كړي٬ دا بريد د چين په وګړو نه بلكې په پاكستان ده٬ ده ووئيل دښمن ته به د دې بريد سخت ځواب وركولې شي
