اسلام آباد 07 اکتوبر (اے پي پي) وزيراعظم شهباز شريف په غزه كښې اسرائيلي جارحيت او خونړې جنګ ختمول وړومبۍ ترجيح ګرځولو سره وئيلي دي چې بايد د بې ګناه فلسطينيانو په ضد په روان ظلم او بربريت نړيوال ضمير بېدار شي٬ د پاکستان حکومت به په نړيواله كچه اسرائيلي ظلمونه بې نقابه كولو او د فلسطين مسئلې حل اهميت رامخې ته كولو لپاره د ماهرينو پشمول وركنګ ګروپ جوړوي، پاکستان به د فلسطيني اولس د بشري همدردۍ مرسته لا ګړندۍ كړي او د فلسطين زده كوٶنكو ته به د پاکستان په کالجونو او پوهنتونونو كښې داخلے وركولې شي ۔ د دې خيالاتو څرګندونه ده د ګل په ورځ په ايوان صدر كښې فلسطين سره د يوالي څرګندونې په اړه ټول ګونديز كفنرس ته خِپله وېنا كښې وكړه۔ وزيراعظم ووئيل د صدر لخوا په دې كفرنس كښې په ګډون كولو د ټولو سياسي مشرانو مننه كوم، ګرد هېواد څخه د سياسي او مذهبي مشرانو اجتماع د دې خبرې ګواهي وركوي چې كله هم پاكستان ته يو چېلنج رامخې ته شوې٬ كه ھغه كورنې وي يا بهرنې٬ ټول سياسي او مذهبي قيادت راغونډ شوې او خپل جذبات يۍ څرګند كړي بلكې كوټلي تجويزونه ئې هم وړاندې كړي او د د عملي كولو كښې يۍ بشپړه مرسته كړې۔ ده ووئيل په دې كفنرنس كښې د اجتماعي دانش څرګندونه شوې، مختلف تجويزونه وړاندې كړې شوي، ټولو سياسي او مذهبي ګوندونو خپل موقف په بشپړه ډول وړاندې كړې٬ دا اجتماعي سوچ او فكر مونږ لپاره د ډاډ وړ دے، په کنفرنس كښې د نړۍ د كردار په اړه خبره شوې او وئيلي شوي چې بايد اسلامي نړۍ راوړاندې شي او عملي اقدامات وكړي۔ ده ووئيل قرارداد پاکستان او د قائداعظم افکارو په حواله خبره شوې او وئيلي شوي چې مونږ له د فلسطين د آبادۍ خبره پكار ده۔ ده ووئيل ټول پاكستانې قام په فلسطينيانو د بدترين ظلمونو او خونړي جنګ غندنه كوي٬ د فلسطين ماشومان او مېرمنې شهيدانې كېږي٬ ښاريې سوځولې كېږي٬ په جمو و كشمير كښې هم صورتحال د دې نه زيات مختلف نه دے٬ په وادي کشمير كښې د بې ګناه وګړو وينه بهولې شي او د ظلم او بربريت په سبب سيمه په وينه لمبېدلے ده۔ ده ووئيل د سوډان تقسيم، د ختيز تيمور د معاملو پرېكړې لپاره ټولو قوتونو ټولې حربې استعمال كړې٬ آيا د مسلمانانو وينه د دوي د وينې نه ارزانه ده۔ ده ووئيل نن نړيوال ضمير بايد بېدار شي۔ د 40 زره نه زيات فلسطينيان شهيدان شوي دي، ماشومان يتيمانان او د مور په وژل كېدو وير كوي، نړۍ ته زړه دړدېدلې پېښې ميډيا رامخې ته كوي٬ د دې خونړي جنګ لاره نيولو لپاره مونږ ټولو قوتونو له مجتمع كېدل پكار دي ۔ ده ووئيل نړۍ په دې معامله قائل كولو لپاره چې په كنفرنس كښې كوم تجويزنه وړاندې كړې شوي په ھغې متفق يم٬ د فلسطينيانو وينه بهېدو ته نه پرېښودل زمونږ وړومبې فرض دے او دې لپاره به مونږ له د او آئي سي پلېټ فارم څخه غږ پورته كول وي، په دې كفنرنس كښې د اسرائيلي ظلمونو په ضد به قرارداد منظورولې شي او ورکنګ ګروپ به جوړولې شي چې پكښې به ماهرين شامل وي او دوي به د نړۍ اهم هېوادونو ته لېږلې شي۔ده ووئيل د ټولو نه وړاندې جنګ بندي د وخت اهم ضرورت دے دې لپاره مونږ له بشپړه غږ پورته كول پكار دې۔ ده ووئيل د چا پرواه كولو نه غېر به مونږ له د پاكستاني او مسلمان په توګه د جرات پرېكړې كول وي، په ملګرو ملتونو كښې مې د مسلمانانو په خاص توګه د پاكستانيانو د جذباتو عكاسي كړې ده او په دغه موقع آئي اېم اېف سره په پروګرام كښې هم كاميابي ترلاسه شوې۔ ده ووئيل مونږ له د مسلمانانو او مظلوم قوتونو موقف بشپړه يوالي٬ قوت٬ اتحاد او اتفاق سره بيانول دي، مونږ له هېواد د پرمختګ په لور روانول دي، د غربت او بې روزګارۍ خاتمه کول دي٬ زمونږ غږ به په نړۍ كښې هله اورېدې شي كله چې مونږ په ګډه قام جوړٶ۔ ده ووئيل فلسطينيانو ته د مرستې سامان وركول باوري كړې شوي دي٬ دا به لا زياتوٶ، د فلسطين صدر محمود عباس سره مې ملاقات شوې٬ ھغه په بشپړه توګه د غږ په پورته كولو د حکومت او پاكستاني اولس مننه كړې، مونږ له په عملي مېدان كښې فلسطينيانو له ډېر څه كول دي٬ يتيمانان شوي ماشومانو هلكانو جينكو لپاره په خاص توګه د ميډيكل تعليم انتطام مو كړېدے، د سلګونو په شمېر زده كوٶنكي به دلته راځي٬ د پاكستان په سركاري او نجي كالجونو او پوهنتونو كښې به د دوي د داخلو انتظام كولې شي٬ دا بهترين تجويز دے۔ ده ووئيل په دې كنفرنس كښې د بشپړه قامي يوالي ثبوت وړاندې كړې شوې٬ د کنفرنس په پرېكړو به په تندۍ سره عملدرامد كولې شي٬ لاس په دعا يو چې لوي څښتن دې په فلسطين كښې خونړې جنګ بندولو كښې زمونږ مرسته وكړي او او فسلطين ته دې آزادي وركړي
