اسلام آباد 07 اكتوبر (اے پي پي) پاكستان د افغانستان د بهرنيو چارو وزارت په بيان سخت غبرګون څرګندولو سره رد كړے دے۔ د خارجه دفتر وياندې ممتاز زهره بلوچ د ګل په ورځ په خپل يو بيان كښې ووئيل د افغانستان بيان د پاكستان په داخلي چارو كښې د نه قبلولو او غندني وړ مداخلت دے۔ دې ووئيل د افغانستان عبوري حكومت دې په يو جمهوري هېواد د لېكچر وركولو په ځائې د خپل هېواد مسئلې پخپله حل كولو ، شموليت ته ترجيح وركړي او د مذهب د بې لارې كوؤنكې تشريح په ځايې دې مېرمنو او انجونو له د زده كړو حق په شمول د خپل اولس ضروريات او خواهشات ترسره كولو له ځواب وركوؤنكي جوړ شي۔ وياندي ووئيل د افغانستان عبوري حكومت بايد ترهګرو له ځائې وركولو څخه انكار كولو سره نړيوالي ورورولۍ سره كړې خپل لوظونه ترسره كړي كوم چې ګاونډي هېوادونو كښې امن او سلامتيا سخت خطر سره مخ كوي او دا چې دوئي بايد افغانستان يو وارې بيا د ترهګر ۍ مركز جوړېدو څخه بچ كړي۔ دي ووئيل پاكستان سيمه كښې امن، مذاكرات او مرستي لپاره لوظي دے او د افغانستان پشمول ټولو رياستونو څخه هيله لري چې هغوي به د ذمه وار نړيوال سلوك او د بين الرياستي اړيكو بنيادي اصولو خيال ساتي۔
