نیویارک۔25ستمبر(اے پی پی) پاكستان او تركيه پاکستان د تجارت ٬ سرماريه كارۍ ٬ دفاع او سلامتيا په څانګو كښې د همكارۍ په لا مستحكمولو موافقه كړې ده٬ وزیراعظم د مقبوضه كشمير مظلوم اولس لپاره د تركيه د پياوړي او مستقل ملاتړ ستائنه وكړه٬ وزیراعظم او ترک صدر په سيمه اييزو او نړيوالو چارو او په خاص توګه په غزه كښې په روانه نسل كشۍ او سنګين صورتحال هم د خيالاتو څرګندونه وكړه۔ وزیرِ اعظم شهباز شریف د ملګرو ملتونو د عمومي اسمبلۍ 79 مې غونډې په موقعه ترك صدر سره ملاقات كړے دے۔ د وزيراعظم آفس ميډيا ونګ لخوا د جاري شوي بيان له مخې وزيراعظم شهباز شريف ترک صدر رجب طیب اردوان سره په نيويارك كښې د ملګرو ملتونو د عمومي اسمبلۍ 79 مې غونډې په موقعه ملاقات وكړو۔ دواړو لارښودو په دوه اړخيزه چارو د خيالاتو څرګندونه كولو سره د تجارت ٬ سرمايه كارۍ ٬ دفاع او سلامتيا په څانګو كښې د ګټې ورې همكارۍ په لا مستحكمولو موافقه وكړه۔ دوئي په نزدې وخت كښې په اسلام آباد كښې كیدونكې د پاکستان۔ترکیه اعلیٰ كچې سټرېټجک کوآپرېشن کونسل 7 مې غونډې د تياريانو جاج واغست۔ دواړو لارښودو په سيمه اييزو او نړيوالو چارو او په خاص توګه په غزه كښې په روانه نسل كشۍ او سنګين صورتحال هم د خيالاتو څرګندونه وكړه۔ دوئي په غزه كښې په سمدستي توګه په انساني بنيادونو د جنګ بندۍ او د كړكېچنې وضې د ختمولو غوښتنه وكړه۔ وزیراعظم د مقبوضه كشمير مظلوم اولس لپاره د تركيه د پياوړي او مستقل ملاتړ ستائنه وكړه۔ د ملاقات په مهال صدر اردوان د وزيراعظم شهباز شريف معاشي پالېسۍ وستائلې د كومو په نتيجه كښې چې د پاكستان معيشت كښې استحكام رامخې ته شوې دې۔ ترک صدر د وزیر اعظم په مشرتابه كښې د اقتصادي اصلاحاتو عزم هم وستائلو۔ دغسې ترك صدر وزيراعظم شهباز شريف ته د سالګرې مباركي هم وركړه۔
